Ano: 2012-2016

Financia: Fundación EDUCO

O Proxecto psicoeducativo e familiar Vagalume levou a cabo varias accións en diferentes áreas desde o ano 2012 ata o 2016.

Na área educativa centrouse na mellora do rendemento escolar, a prevención do abandono escolar prematuro, a prevención do absentismo escolar e a mellora en canto á adaptación escolar.

Na área socio-comunitaria buscouse a mellora das habilidades sociais e do autoconcepto de NNA, potenciar novas redes sociais entre NNA e visitas a diversas entidades socioculturais e/ou comunitarias.

Na área social proporcionáronse bolsas para material escolar, a derivación a outros recursos e/ou entidades, o asesoramento externo, potenciar redes coa Administración e/ou outras entidades público-privadas e actos solidarios a beneficio de Vagalume.

Na área psicofamiliar centrouse na mellora do vínculo familiar, en potenciar as competencias parentais, en recuperar a situación de equilibrio emocional e na realización de actividades conxuntas nai-filla/o.

Os resultados do proxecto:

Nos talleres educativos, de lecer e TL participaron un total de 64 NNA; no PAS foron atendidas 93 familias e 114 NNA; acudiron a orientación psicosociofamiliar 90 familias e a terapia emocional 50 NNA e familias.