{"id":2274,"date":"2021-10-20T11:16:15","date_gmt":"2021-10-20T09:16:15","guid":{"rendered":"http:\/\/programavagalume.org\/gl\/arco-da-vella-vi.html"},"modified":"2022-01-20T10:13:18","modified_gmt":"2022-01-20T09:13:18","slug":"arco-da-vella-vi","status":"publish","type":"post","link":"https:\/\/programavagalume.org\/gl\/arco-da-vella-vi.html","title":{"rendered":"ARCO DA VELLA VI (2021)"},"content":{"rendered":"

Proxecto:<\/strong>\u00a0ARCO DA VELLA VI, Atenci\u00f3n integral dirixido a persoas en situaci\u00f3n de explotaci\u00f3n sexual, preferentemente inmigrantes e\/ou v\u00edtimas de trata de seres humanos con fins de explotaci\u00f3n sexual, na Comunidade Aut\u00f3noma de Galicia 2021.<\/p>\n

Ano<\/strong>: 2021
\nFinancia<\/strong>: Fondo Social Europeo e Secretar\u00eda Xeral de Igualdade (Xunta de Galica).<\/p>\n

 <\/p>\n

\"SXI\"\"descarga<\/p>\n

 <\/p>\n

 <\/p>\n

 <\/p>\n

 <\/p>\n

 <\/p>\n

As Naci\u00f3ns Unidas calculan que, ao ano, uns catro mill\u00f3ns de mulleres e nenas son v\u00edtimas de trata con fins de explotaci\u00f3n sexual mentres que a OIM (Organizaci\u00f3n Internacional para as Migraci\u00f3ns) advirte que cerca de cen mil mulleres e nenas entran en Europa anualmente como v\u00edtimas de trata con fins de explotaci\u00f3n sexual.<\/em><\/p>\n

Na actualidade, a explotaci\u00f3n sexual e a trata de persoas con fins de explotaci\u00f3n sexual est\u00e1 reco\u00f1ecida como unha aut\u00e9ntica escravitude moderna, un fen\u00f3meno que dana fondamente a dignidade humana dende o momento en que limita a capacidade das v\u00edtimas de autodeterminarse e constru\u00edr proxectos de vida propios.<\/em><\/p>\n

A gran maior\u00eda das v\u00edtimas son mulleres, calquera interpretaci\u00f3n ou intervenci\u00f3n sobre este fen\u00f3meno ha de ter en conta a perspectiva de x\u00e9nero. Ao igual que outras formas de violencia contra as mulleres, caracter\u00edzase por unha relaci\u00f3n de dominaci\u00f3n dun sexo sobre o outro, que ten as s\u00faas orixes nos valores tradicionais do patriarcado, que asigna roles diferentes a mulleres e homes dende o momento do nacemento. Ademais, estamos ante\u00a0 fen\u00f3menos multidimensionais e, por tanto, con diversas causas. <\/em><\/p>\n

As causas principais son a dif\u00edcil situaci\u00f3n econ\u00f3mica e pol\u00edtica do pa\u00eds de orixe, a feminizaci\u00f3n da pobreza e a emigraci\u00f3n ou a proliferaci\u00f3n de redes de trata transnacionais. Ademais, as v\u00edtimas destes crimes soen ser persoas cun grao de vulnerabilidade moi elevado. O grupo con maior risco de converterse en v\u00edtima \u00e9 o de mulleres e nenas con niveis de escolarizaci\u00f3n baixos, necesidades b\u00e1sicas insatisfeitas ou ben, aquelas que van na busca dunha mellor situaci\u00f3n econ\u00f3mica en contextos de gran precariedade.<\/em><\/p>\n

Malia estar falando dun fen\u00f3meno a escala mundial non debemos esquecer a realidade concreta de Espa\u00f1a e, concretamente, de Galicia. Espa\u00f1a sit\u00faase como principal receptor de mulleres v\u00edtimas destes fen\u00f3menos. Por exemplo, os informes \u201cTrata de seres humanos con fins de explotaci\u00f3n sexual\u201d publicados anualmente pola Garda Civil dende 1999, estiman en 18.000 o n\u00famero de mulleres estranxeiras v\u00edtimas deste delito, se ben a propia Garda Civil reco\u00f1ece que o n\u00famero de casos identificados non representa nin a metade dos existentes. A Rede Espa\u00f1ola contra Trata de persoas que agrupa a 24 ONGs, eleva a entre 40.000 e 50.000 as mulleres explotadas no noso pa\u00eds.<\/em><\/p>\n

As mulleres v\u00edtimas de explotaci\u00f3n e trata en Espa\u00f1a son, en m\u00e1is do 95%, estranxeiras, e local\u00edzanse por toda xeograf\u00eda espa\u00f1ola. Das s\u00faas nacionalidades despr\u00e9ndense tres orixes b\u00e1sicos: Roman\u00eda (no caso das europeas), Nixeria (para as africanas) e Brasil, Colombia, Rep\u00fablica Dominicana, Paraguai e Venezuela (para as latinoamericanas) . Outro elemento que est\u00e1 a converter a trata de mulleres con fins de explotaci\u00f3n sexual en Espa\u00f1a nun fen\u00f3meno cada vez m\u00e1is preocupante \u00e9 a xuventude das mulleres, dos 23 aos 32 anos, incluso as ONGs alertan de que o 1% das v\u00edtimas poder\u00edan ser menores de idade. Galicia, referente aos datos das mulleres v\u00edtimas de explotaci\u00f3n sexual e trata, segue a mesma li\u00f1a que o resto do Estado. <\/em><\/p>\n

No caso de Vagalume \u2013 C\u00c1RITAS durante a execuci\u00f3n do Arco da Vella dende o 2016 foron atendidas\u00a0 preto de 3.200 mulleres. Entre estas atenci\u00f3ns comp\u00fatanse as mulleres atendidas e\/ou informadas en traballo de r\u00faa e aquelas que recibiron atenci\u00f3n xur\u00eddica, psicol\u00f3xica, social\u00a0 ou laboral e as usuarias do centro da muller onde se imparte formaci\u00f3n de diversa \u00edndole e se prestan os servizos mencionados. Nomeadamente vinculadas ao Proxecto Arco da Vella (2020)\u00a0 foron atendidas 101 mulleres das que o m\u00e1is do 70% recibiron ou est\u00e1n a recibir unha atenci\u00f3n integral. No marco do proxecto, m\u00e1is do 90% das mulleres accederon a dereitos sociais, practicamente o 50% recibiron formaci\u00f3n laboral ou prelaboral e m\u00e1is do 40% recibiron atenci\u00f3n psicol\u00f3xica e\/ou xur\u00eddica. <\/em><\/p>\n

No ano 2020, \u00e1s vulnerabilidades xa presentes nas mulleres en contextos de prostituci\u00f3n e\/ou V\u00edtimas de TSH con fins de explotaci\u00f3n sexual, s\u00famanse outras derivadas directamente da crise sanitaria provocada pola Covid19. Entre elas destacar, a dificultade para cubrir necesidades b\u00e1sicas (alimentaci\u00f3n, hixi\u00e9nico-sanitarias, aloxamento, pago de alugueres, luz, auga…), o aumento de pr\u00e1cticas de risco tanto polo descenso de homes que consumen prostituci\u00f3n como pola necesidade econ\u00f3mica a que est\u00e1n sometidas, o aumento da psicopatolox\u00eda asociada ao medo, ansiedade, incertidume e desco\u00f1ecemento da situaci\u00f3n familiar en orixe; as\u00ed como, a maior dificultade de identificaci\u00f3n e\/ou detecci\u00f3n de v\u00edtimas de TSH con fins de explotaci\u00f3n sexual, xa que, co estado de alarma intensifica o illamento das mulleres, especialmente en pisos.<\/em><\/p>\n

Por todo o mencionado, as actuaci\u00f3ns do proxecto Arco da Vella , contin\u00faan a ser fundamentais para poder dar resposta \u00e1s necesidades e demandas das participantes, ofrecendo unha actuaci\u00f3n individualizada e con enfoque integral.\u00a0 <\/em><\/p>\n

Salientar que o n\u00famero de beneficiarias das actuaci\u00f3ns enmarcadas no proxecto do 2020 foi maior que o rexistro, posto que se ofreceu asesoramento, acompa\u00f1amento telef\u00f3nico e derivaci\u00f3n a recursos a moitas que, dadas as restrici\u00f3ns non puideron acudir ao centro e, polo tanto, asinar a documentaci\u00f3n necesaria para ser computadas.<\/em><\/p>\n

Ante os bos resultados en canto a mulleres beneficiarias, intervenci\u00f3ns e derivaci\u00f3ns, debemos salientar a versatilidade coa que o proxecto fixo fronte as diferentes circunstancias que se foron dando. Non cesando en ning\u00fan momento a atenci\u00f3n integral telem\u00e1tica e\/ou presencial. Os resultados foron positivos, pois no 100% dos casos, entre as participantes rexistradas, a s\u00faa calidade de vida viuse mellorada e a metade das mulleres at\u00f3panse nun proceso de desenvolvemento persoal e empoderamento que as dotar\u00e1 das ferramentas necesarias para continuar superando dificultades e loitar contra a crise sociosanitaria que estamos a vivir e que afecta de xeito m\u00e1is dram\u00e1tico \u00e1s mulleres en prostituci\u00f3n.<\/em><\/p>\n

Neste 2021, con Arco da Vella VI contin\u00faase ofrecendo atenci\u00f3n integral a trav\u00e9s das seguintes \u00e1reas de intervenci\u00f3n:<\/p>\n

    \n
  • Atenci\u00f3ns iniciais (acollida)<\/li>\n
  • Asesoramento social<\/li>\n
  • Atenci\u00f3n psicol\u00f3xica<\/li>\n
  • Asesoramento xur\u00eddico<\/li>\n
  • Orientaci\u00f3n laboral<\/li>\n<\/ul>\n

    Co fin de acadar os obxectivos propostos:<\/p>\n

      \n
    • Proporcionar a todas as mulleres en situaci\u00f3n de explotaci\u00f3n sexual e\/ou v\u00edtimas de trata con fins de explotaci\u00f3n sexual, derivadas ou non das autoridades competentes unha atenci\u00f3n inicial de calidade.<\/strong><\/li>\n
    • Ofrecer un asesoramento social de calidade \u00e1s participantes incidindo no apoio directo, acompa\u00f1amento e seguimento do proxecto persoal<\/strong> de cada unha que lles permita o acceso a recursos e garanta os seus dereitos fundamentais.<\/li>\n
    • Ofrecer \u00e1s participantes unha atenci\u00f3n psicol\u00f3xica profesional, de calidade e a longo prazo<\/strong> que repercuta de maneira positiva nos seus procesos de recuperaci\u00f3n persoal e lles permita acadar autonom\u00eda e seguridade.<\/li>\n
    • Proporcionar \u00e1s participantes asesoramento xur\u00eddico profesional e de calidade sobre os seus dereitos e deberes<\/strong> as\u00ed como para a tramitaci\u00f3n de procedementos administrativos de diversa \u00edndole que incidir\u00e1n na procura dunha mellor calidade de vida.<\/li>\n
    • Dotar \u00e1s participantes das ferramentas necesarias para poder iniciar un proceso de busca de emprego eficaz<\/strong> a trav\u00e9s de obradoiros formativos prelaborais, orientaci\u00f3n e asesoramento laboral.<\/li>\n<\/ul>\n<\/div>
      <\/div><\/div><\/div><\/div>