{"id":1561,"date":"2017-11-23T13:40:59","date_gmt":"2017-11-23T12:40:59","guid":{"rendered":"http:\/\/programavagalume.org\/gl\/?p=1561"},"modified":"2022-01-20T10:13:29","modified_gmt":"2022-01-20T09:13:29","slug":"1561","status":"publish","type":"post","link":"https:\/\/programavagalume.org\/gl\/1561.html","title":{"rendered":"\u201cO Programa Vagalume participa na campa\u00f1a En negro contra a violencia\u201d"},"content":{"rendered":"

Un ano m\u00e1is o Programa Vagalume participa na campa\u00f1a En negro contra a violencia promovida polo\u00a0Concello de Santiago de Compostela.\u00a0<\/a><\/h2>\n
\n
\n

“O 17 de decembro de 1999 a Asemblea Xeral das Naci\u00f3ns Unidas declarou o 25 de novembro como\u00a0D\u00eda Internacional da Eliminaci\u00f3n da Violencia contra as Mulleres<\/strong>, convidando a gobernos, organizaci\u00f3ns internacionais e organizaci\u00f3ns non gobernamentais a desenvolver actividades dirixidas a sensibilizar \u00e1 poboaci\u00f3n respecto da situaci\u00f3n de violencia na que viven moitas mulleres.<\/p>\n

A violencia machista \u00e9 a expresi\u00f3n m\u00e1is extrema das desigualdades sociais que viven as mulleres. Un tipo de violencia que sofren as mulleres polo simple feito de o seren, unha desigualdade silenciada, agochada e en moitos casos normalizada. Segundo os datos da \u00faltima Macroenquisa de violencia contra as mulleres realizada no 2015 polo Ministerio de Sanidade, Servizos Socias e Igualdade, un 13% das mulleres residentes en Espa\u00f1a de m\u00e1is de 16 anos declaran ter sufrido violencia f\u00edsica ou sexual nalg\u00fan momento da s\u00faa vida por parte da parella ou exparella, un 26% violencia psicol\u00f3xica de control \u2014celos, control de horarios e actividades etc.\u2014 e un 20% violencia psicol\u00f3xica emocional \u2014insultos, intimidaci\u00f3ns, ameazas verbais, etc\u2014.\u00a0Dende 2003 ata maio do 2017, a Delegaci\u00f3n de Goberno rexistrou 53 asasinatos machistas en Galicia, e\u00a0780 en Espa\u00f1a.<\/p>\n

Co obxectivo de promover e facer visible o rexeitamento da cidadan\u00eda ante calquera tipo de violencia contra as mulleres, no 2015, o Concello de Santiago puxo en andamento a campa\u00f1a de sensibilizaci\u00f3n\u00a0Compostela, en Negro<\/em>, na que se implicaron arredor de 300 establecementos comerciais e axentes sociais do municipio, que se converteron en embaixadores da mesma.<\/p>\n<\/div>\n

\n

A acci\u00f3n consistiu en tinguir de negro a cidade a trav\u00e9s dos escaparates, os manequ\u00edns, a roupa de traballo; vestir loito en sinal de dor por todas as mulleres que sofren violencia machista e como resposta \u00e1 m\u00e1is dura das s\u00faas consecuencias: a morte.<\/p>\n

Partindo desta boa pr\u00e1ctica, e coa finalidade de multiplicar e estender a incidencia social desta campa\u00f1a, no 2016, dezaseis concellos m\u00e1is un\u00edronse\u00a0para desenvolveren conxuntamente a campa\u00f1a de sensibilizaci\u00f3n\u00a0En negro, contra as violencias,\u00a0<\/em>formaron parte da acci\u00f3n:\u00a0A Coru\u00f1a, Ames, Cangas, Carballo, Compostela, Ferrol, Lugo, Poio, Pontevedra, Ribadeo, Sada, Santiago de Compostela, Sarria, Teo, Tui, Vilalba e Zas. Este ano xa somos\u00a0m\u00e1is de cincuenta<\/strong>\u00a0os concellos que\u00a0queremos situar na axenda pol\u00edtica, con contundencia e para sempre, a loita contra as violencias machistas.<\/p>\n

\u00c1 marxe da repercusi\u00f3n e impacto que poida ter esta campa\u00f1a, consideramos xa de antem\u00e1n como un gran \u00e9xito compartido o feito de que, por primeira vez, concellos tan diversos, e de diferentes cores pol\u00edticas, esteamos a traballar en rede contra as violencias machistas e a prol da igualdade das mulleres.\u00a0Todas e todos en negro, contra a violencia.”<\/strong><\/p>\n

\"Resultado<\/p>\n<\/div>\n<\/div>\n<\/div>