{"id":1101,"date":"2016-11-24T10:28:20","date_gmt":"2016-11-24T09:28:20","guid":{"rendered":"http:\/\/programavagalume.org\/gl\/?p=1101"},"modified":"2022-01-20T10:13:36","modified_gmt":"2022-01-20T09:13:36","slug":"programa-vagalume-participa-na-campana-negro-violencia-promovida-polo-concello-santiago-compostela","status":"publish","type":"post","link":"https:\/\/programavagalume.org\/gl\/programa-vagalume-participa-na-campana-negro-violencia-promovida-polo-concello-santiago-compostela.html","title":{"rendered":"O Programa Vagalume participa na campa\u00f1a En negro contra a violencia promovida polo Concello de Santiago de Compostela."},"content":{"rendered":"

http:\/\/www.ennegrocontraaviolencia.gal\/<\/a><\/p>\n

O Programa Vagalume participa na campa\u00f1a En negro contra a violencia promovida polo Concello de Santiago de Compostela.<\/p>\n

“O 17 de decembro de 1999 a Asemblea Xeral das Naci\u00f3ns Unidas declarou o 25 de novembro como D\u00eda Internacional da Eliminaci\u00f3n da Violencia contra as Mulleres, convidando a gobernos, organizaci\u00f3ns internacionais e organizaci\u00f3ns non gobernamentais a desenvolver actividades dirixidas a sensibilizar \u00e1 poboaci\u00f3n respecto da situaci\u00f3n de violencia na que viven moitas mulleres.<\/p>\n

A violencia machista \u00e9 a expresi\u00f3n m\u00e1is extrema das desigualdades sociais que viven as mulleres. Un tipo de violencia que sofren as mulleres polo feito mesmo de selo, unha desigualdade silenciada, agochada e en moitos casos normalizada. Segundo os datos da \u00faltima Macroenquisa de violencia contra as mulleres realizada no 2015 polo Ministerio de Sanidade, Servizos Socias e Igualdade, un 13% das mulleres residentes en Espa\u00f1a de mais de 16 anos declaran ter sufrido violencia f\u00edsica ou sexual nalg\u00fan momento da s\u00faa vida por parte da parella ou exparella, un 26% violencia psicol\u00f3xica de control \u2014ciumes, control de horarios e actividades etc.\u2014 e un 20% violencia psicol\u00f3xica emocional \u2014insultos, intimidaci\u00f3ns, ameazas verbais, etc\u2014.\u00a0 No que vai de ano 2 mulleres foron asasinadas en Galicia (Ana G\u00f3mez Nieto o 12\/02\/16 en Becerre\u00e1, Lugo e Tatiana V\u00e1zquez Abu\u00edn o 10\/04\/16 en Lugo) e 46 en Espa\u00f1a.<\/p>\n

Co obxectivo de promover e facer visible o rexeitamento da cidadan\u00eda ante calquera tipo de violencia contra as mulleres, o ano pasado, o Concello de Santiago puxo en marcha a campa\u00f1a de sensibilizaci\u00f3n \u201cCompostela, en Negro\u201d, na que se implicaron arredor de 300 establecementos comerciais e axentes sociais do municipio, que se converteron en embaixadores da mesma.<\/p>\n

A acci\u00f3n consistiu en tinguir de negro a cidade a trav\u00e9s dos escaparates, os manequ\u00edns, a roupa de traballo; vestir loito en sinal de dor por todas as mulleres que sofren violencia machista e como resposta \u00e1 m\u00e1is dura das s\u00faas consecuencias: a morte.<\/p>\n

Partindo desta boa pr\u00e1ctica, e coa finalidade de multiplicar e estender a incidencia social desta campa\u00f1a, este ano, dezaseis concellos galegos decidimos unir os nosos esforzos para desenvolver conxuntamente a campa\u00f1a de sensibilizaci\u00f3n \u201cEn negro, contra a violencia\u201d.<\/p>\n

En v\u00e9speras do D\u00eda Internacional da Eliminaci\u00f3n da Violencia Contra as Mulleres, a trav\u00e9s desta iniciativa, os concellos de A Coru\u00f1a, Ames, Cangas, Carballo, Compostela, Ferrol, Lugo, Poio, Pontevedra, Ribadeo, Sada, Sarria, Teo, Tui, Vilalba e Zas queremos situar na axenda pol\u00edtica, con contundencia e para sempre, a loita contra as violencias machistas.<\/p>\n

Ao marxe da repercusi\u00f3n e impacto que poida ter esta campa\u00f1a, consideramos xa de antem\u00e1n como un gran \u00e9xito compartido o feito de que, por primeira vez, concellos tan diversos, e de diferentes cores pol\u00edticas, esteamos traballando en rede contra as violencias machistas e a prol da igualdade das mulleres. Do 18 ao 28 de novembro todas e todos en negro, contra a violencia.”<\/p>\n<\/div>

<\/div><\/div><\/div><\/div>